PENCADLYS

Staff y Pencadlys – Prif Weithredwr

Mae’n hanfodol bod CGGC yn penodi staff effeithlon ac effeithiol ar gyfer ei bencadlys, staff sy’n gwbl ymroddedig a chefnogol i athroniaeth “athletwr-ganolog” Cocas. Mae gan staff y pencadlys gyfrifoldeb i Dîm Cymru i sicrhau ei fod yn creu’r amgylchedd gorau posibl fel bod pob athletwr yn gallu cyrraedd ei lawn botensial a chael y cyfle gorau i lwyddo yn y Gemau.    
                
Arweinir staff y Pencadlys gan y Prif Weithredwr, sy’n arweinydd cyffredinol Tîm Cymru ac yn brif siaradwr ar ran y  Tîm cyn ac yn ystod y Gemau.                             

Y Prif Weithredwr sy’n gyffredinol gyfrifol am reoli’r Tîm a bydd yn gweithio gyda Rheolwr y Tîm i sicrhau bod unrhyw faterion a all godi’n cael eu datrys yn effeithiol oddi mewn i’r Tîm, neu gyda FfGG a’r pwyllgor sy’n trefnu yn y Gemau.          

Mae dyletswyddau’r Prif Weithredwr cyn y Gemau’n cynnwys

* Datblygu polisïau’r Tîm gyda CGGC                 
 * Mynychu cyfarfodydd o Bwyllgor Gweithredol CGGC, y Bwrdd a’r grwpiau gweithredol, fel y bo angen               
 * Cadeirio cyfarfodydd rheoli’r Tîm cyn y Gemau  
 * Cynrychioli Tîm Cymru mewn digwyddiadau swyddogol  
 * Ymwneud â dewis staff rheoli’r Tîm
 * Mynychu hyfforddiant staff cyn y Gemau
 * Arwain ymweliadau rhagchwilio
 * Datblygu ethos ac ysbryd ‘Tîm Cymru’   
 * Enwebu Capten a Chludwr Baner y Tîm

Bydd y dyletswyddau yn ystod y Gemau’n cynnwys:

* Prif siaradwr y Tîm yn y Gemau
* Cynrychioli Tîm Cymru mewn digwyddiadau swyddogol perthnasol, e.e. Derbyniadau’r Tîm, Cynadleddau i’r Wasg y Tîm  
* Cadeirio cyfarfodydd rheoli’r Tîm
* Mynychu cyfarfodydd dyddiol y Prif Weithredwyr
* Cefnogi’r Tîm mewn digwyddiadau a seremonïau cyflwyno medalau
* Goruchwylio’r gwaith o weithredu polisïau a gweithdrefnau CGGC
* Hybu ac annog aelodau’r Tîm i gefnogi a pharchu ei gilydd, ac felly meithrin ysbryd da ymhlith y Tîm
* Cynnal ysbryd y Tîm
* Sicrhau y cedwir at y Cod Ymddygiad yn unol â chytundebau Aelodau’r Tîm a rheoli unrhyw faterion sy’n codi                       
* Dewis Cludwr y Faner ar gyfer y seremoni gloi

Wedi’r Gemau

* Ymwneud â llunio adroddiadau ac argymhellion ar gyfer Gemau’r dyfodol     
* Mynychu holl swyddogaethau CGGC wedi’r Gemau.

Mae’n hanfodol bod y Prif Weithredwr yn gallu gweithio fel aelod o dîm ac arwain y tîm hwnnw.  Mae’n rhaid i’r Prif Weithredwr feddu ar sgiliau rhyngbersonol da a bod yn gyfathrebwr effeithiol.  Mae’n rhaid iddo fod yn frwdfrydig ac yn hawdd siarad ag ef, gan ddangos parch at yr athletwyr a’r staff i gyd drwy gydol ei dymor gwasanaethu, a bod ar gael iddynt.