RHEOLWYR Y TIMAU
Rheolwyr y Timau
Yn ogystal â Rheolwr Cyffredinol y Tîm – sy’n gyfrifol am fuddiannau Tîm Cymru i gyd tra yn y Gemau – mae gan bob camp ei Rheolwr Tîm penodol ei hun.
Mae mynd â thîm o athletwyr sydd wedi’u hyfforddi i safonau uchel iawn filoedd o filltiroedd i ffwrdd weithiau i gyrrau eithaf y byd a sicrhau bod pob un o’u hanghenion yn cael eu diwallu fel eu bod yn gallu canolbwyntio ar berfformio hyd eithaf eu gallu’n medru bod yn gryn her.
Dyma rai ffactorau y dylai Rheolwr Tîm eu hystyried:
- Cludiant
- Cynefino â hinsawdd
- Parthau amser
- Cyfleusterau hyfforddi
- Llety
- Gofynion deietyddol
- Gofal meddygol a ffisiotherapi
- Cefnogaeth Gwyddoniaeth Chwaraeon
- Diflastod wedi mynd allan o’r gystadleuaeth a hyfforddi
Er mwyn i athletwyr allu perfformio hyd eithaf eu gallu, mae’n rhaid rhoi ystyriaeth briodol i’r uchod i gyd a’u cynllunio’n ofalus. Bydd Rheolwr Tîm da’n sicrhau nad oes gan athletwyr unrhyw beth i boeni yn ei gylch – ar wahân i sicrhau’r perfformiad personol gorau – a chasglu medal gobeithio!
Mae’r ffin rhwng llwyddo a methu mewn chwaraeon ar lefel y byd yn un denau iawn. Mae paratoi’n hanfodol ac mae Rheolwr y Tîm yn chwarae rhan allweddol yn y cyswllt hwn.
Mae Cymru wedi’i bendithio â nifer o Reolwyr Tîm hynod brofiadol a medrus, y gellir eu defnyddio i gefnogi ein hathletwyr yn yr India.
